ŞEYTANIN SPRİPKAÇISI…




PAQANINI...

1782-ci il oktyabrın 27-də Cenovanın dar küçələrindən birində Nikola Paqanini dünyaya gəldi.
6 yaşında qızılca böhranı keçirərkən öldüyü zənn edildi,lakin dəfn mərasimi zamanı diri-diri basdırılmasına mane olan bir hərəkət etdi. Buna möcüzə dedilər və bütün həyatı boyunca şeytani bir şöhrət onu izləyirdi.

Həqiqət isə onun görünüşünün belə bu şöhrəti yalanlamadığı idi…
Uzun,qarışıq saçları vardı,dişləri yox idi və iti qartal burnu solğun,sümüklü üzündə diqqət çəkirdi.

Çox zəif və qəmgin görünürdü, həmişə qara geyinər, göy şüşəli eynək taxardı, çünki şöhrətinin bir qisminin ətrafını bürüyən sirr havasından qaynaqlandığını bilirdi.

Ancaq qaranlıq görünüşü onun musiqiçi kimi keyfiyyətlərini azaltmırdı.Onun ustalıqla ifaları dövrünün həmkarlarını heyran qoymuşdu: Frans Şubert onun haqqında belə demişdi:“Bir mələyin oxuduğunu eşitdim”və Cakino Rossini isə demişdi:“Həyatımda yalnız iki dəfə ağladım: göbələk ilə doldurulmuş hind toyuğu təsadüfən suya düşəndə və…
Paqanininin ifasını eşidəndə”.
Altı uşağın üçüncüsü olan bu musiqiçi uşaqlığında bir çox xəstəliklər və atasının sərtliyi səbəbindən xoşbəxt deyildi. Atası Nikolanı fasiləsiz on iki saat otağa kilidləyərək skripka çalmağa məcbur edirdi.
Ancaq onun istedadı o qədər böyük idi ki, belə bir bacarığı inkişaf etdirmək üçün guya şeytanla sövdələşmə etdiyi barədə şayiələr tezliklə yayıldı. Əslində, nadir rast gəlinən “Marfan Sindromu” adlı xəstəlikdən əziyyət çəkirdi.
Bu xəstəlik ona barmaqlarını bükərək skripkada unikal virtuozluq əldə etməyə imkan verdi və qısa zamanda məşhur və varlı oldu.

Nikola deyirdi: “Gözəl deyiləm, amma qadınlar məni dinləyəndə hamısı ayaqlarımın altına düşür”. Hətta müğənni Antonia Byanki də onun cazibəsinə təslim olmuşdu və ona həyatda ən böyük xoşbəxtliklərdən birini bəxş etmişdi: oğlu Aşil. 1825-ci ildə doğulan Aşil üç il sonra anası tərəfindən tərk edildi və Paqanini ona fədakarlıq və sevgi ilə baxdı.
Ancaq sağlamlığı çox zəif idi və İtaliya-Avropada etdiyi səyahətlər onu xeyli yormuşdu.Üstəlik,o dövrdə sifilisi“müalicə etmək”üçün indi zəhərli olduğunu bildiyimiz civə qəbul etmişdi.
Son illərində tamamilə səssiz qaldı və dünya ilə yazılı formada ünsiyyət qurmaq məcburiyyətində idi.27 may1840-cı ildə Nitsa şəhərində 58yaşında vəfat etdi.Ateist olmasa da,həyatındakı ifrat hallar və qalmaqallar səbəbindən Kilsə ona nə dəfn mərasimi keçirdi,nə də müqəddəs bir məkana dəfn edilməsinə icazə verdi.
Onun cəsədi mumiyalandı və dəhşətli bir “tur” çərçivəsində pul qarşılığında nümayiş etdirildi. Onu bu kədərli taledən dostları xilas etdi və 1876-cı ildən etibarən Parma şəhərindəki Villetta qəbiristanlığında dəfn olundu.

Musiqi